44-р сургуулийн танилцуулга

Манай сургууль нь 1970-1971 оны хичээлийн жилд одоогийн БЗД-ийн нутаг дэвсгэр – Улаанхурангийн Тоосгоны дэлгүүрийн ар талын жижиг байшинд 14-р сургуулиас тасарч, бага сургууль болон байгуулагдаж, 200 гаруй сурагч, 6 багш, 4 ажилтантайгаар сургалт хүмүүжлийнхээ ажлыг эхэлж байсан түүхтэй.

1979- 1980 оны хичэлийн жилээс 8 жилийн дунд сургууль болж 53-р сургуулийн байранд хичээллэж байгаад 1981-1982 оны хичээлийн жилд өнөөдрийн энэ байрандаа 700 гаруй сурагч, 30- аад багштайгаар үйл ажиллагаа явуулж, улмаар 1993- 1994 оны хичээлийн жилээс 10 жилийн сургууль болон өргөжсөн.

2008-2009 оны хичээлийн жилд хичээлийн II байрыг хүлээн авсан бөгөөд өнөөдөр 109 гаруй багш, 40 граруй ажилтан ажилчид , 66 бүлэгт 2215 сурагчтайгаар хичээлийн болон хичээлээс гадуурх сургалт хүмүүжлийн ажлаа явуулж байна.

• Тус сургууль нь 1995, 1996, 2012 онд ажил үйлсээрээ тэргүүлж, “Дүүргийн тэргүүний сургууль”-аар 3 удаа шалгарсан.
• 2009-2010 оны хичээлийн жилд манай багш сурган хүмүүжүүлэгчдийн дотор боловсрол, соёлын тэргүүний ажилтан 21 байгаа нь нийт багшийн 19,2 %, магистар 26 багш байгаа нь нийт багш нарын 23,8% “ Тэргүүлэх” мэргэжлийн зэрэгтэй 20, “ Заах аргач” мэргэжлийн зэрэгтэй багш 57 байгаа нь нийт багш нарын 70,6%-ийг эзэлж байна.
• Хими -Биологийн багш Л. Баттогоо /2001 он / ,Монгол хэлний багш Д.Наранцэцэг / 2003 он /, Дуу хөгжмийн багш Д.Алтангэрэл нар “Нийслэлийн мэргэжлийн аварга ” багшаар, М. Хоролдорж / 2000 он /, Бага ангийн багш Ш.Наранцацрал / 2003 он / гадаад хэлний багш С. Нарантуяа / 2008 он /, мэдээлэл зүйн багш Д. Хишигдэлгэр / 2009 он/ нар дүүргийн багш нарын Ур чадварын уралдаанд тэргүүн байр эзэлж, БЗД-ийн аварга багшаар, Дуу хөгжмийн багш Д. Алтангэрэл, МХУЗ-ын багш Д.Наранцэцэг нар үндэсний сургагч багш болсон.

Манай сургуулийн захиралууд:

• Жадамбаа 1970-1980
• В.Пүрэвдорж 1981- 1990
• Д.Батаа 1991-1992
• С. Эрдэнэбат 1992-1994
• Цогсүрэн 1993-1994
• Г.Баттөр 1994- 2000
• Бүрэнжаргал 2000-2001
• Б. Энхбат 2001-2009
• Л. Сувдаа 2009 оноос ажиллаж байна.

Амжилтын товчоон:

• 1995 онд “БЗД-ийн тэргүүний сургууль”
• 1996 онд “ БЗД-ийн тэргүүний сургууль”
• 2003 он “ Ахмадад ээлтэй байгууллага”
• 2004 он “ Бүтээлч хамт олон”